Kabhi mai bhi..

Kabhi mai bhi insaan hua karta tha,

Kabhi dekhe the maine bhi kuch sapne,

Cheen le gye mera sab kuch,

Kuch mere paraye,kuch mere apne.

Jeeta jaagta putla hu bas,

Zazbaaton ka koi naam nahi,

Rehte the mere andar jo,

Ab shayad hi kabhi mile kahin.

Bura insaan nahi hu par,

Bura mai aksar ban jata hu,

Kya kya samjhaoon kisko,

Aksar thak sa jaata hu.

Likh leta hu bas ki,

Iss bechain mann ko thoda aaram mile,

Isliye nahin ki log jaane,

Mujhe koi naam mile.

Tum jo jaanoge mujhe,

Itna bura bhi na paoge,

Darta hu par ki,

Kya tum mera saath nibha paaoge?